நமது தேகத்தில் சத்தும் சித்தும் ஆனந்தமும் தனித்தனியாகத்தான் பிளவுபட்டு காணப்படுகின்றன.  இம்மூன்றையும் ஒன்றிணைத்தால் தானே சச்சினாந்தம் கிடைத்து, இறைவனைக் காண முடியும். பிளவுபட்ட நிலையை எவ்வாறு ஒன்றிணைப்பது? நீங்கள் எப்போது உங்களுக்கு உள்ளே இருக்கும் இறைவனைக் கண்டு உணர்வது? அதற்கான ஞான வழிகளைத் தெரிந்து கொள்ளாது இருக்கலாமா?

உண்மையான ஞானப்பால் எங்கே இருக்கிறது? அதை ஏன் அக அருளமுதம் என்கிறார்கள் சித்தர்களும் ஞானிகளும். சிரசின் நடுப்புள்ளியில்தான் இந்த ஞானப்பால் குடமாக இருப்பதாகவும், இந்தக் குடத்தை உருக வைத்தால், அதற்குள் இருக்கும் அருட்பாலை – ஞானப்பாலை நம்மால் உண்ண முடியும். அமுதப்பாலை உண்ணாமல் ஜீவன்முத்தீ நிலை கிட்டாது.  அப்பாலை எப்படி உண்பது? அதற்கான வழிகள் என்னென்ன என்பதை நாம் தெரிந்து அறிந்து உணர்ந்து உண்ண வேண்டாமா?

இந்த நான்கு நாள் ஞான முகாமில் நீங்கள் உங்களை முதலில் யார் என்பதை தெரிந்து கொள்வீர்கள். உங்கள் பிறப்பின் இரகசியத்தைத் தெரிந்து கொள்வீர்கள். தன்னை அறிவதையும் தனக்குள் இருக்கும் உயிரை, இறைவனைக் காணவும் வழிகளை கண்டடைவீர்கள். நாம் இறை நிலை அடைவதற்கு எவையெல்லாம் தடைக்கற்களாக இருக்கின்றன என்பதைத் தெரிந்து கொண்டு, அவற்றை களைந்து இறைப்பாதையில் நீங்கள் பயணிக்க ஆரம்பித்து விடுவீர்கள். உங்கள் உயிருக்குத் தேவையான பிரபஞ்ச உணவை 24 மணி நேரமும் கொடுப்பது எப்படி என்பதைத் தெரிந்து கொள்வீர்கள்.

உங்கள் வாழ்நாளில் இதுநாள்வரை எதை நோக்கி இந்த ஆன்மீகத்தில் பயணம் செய்கிறோம் என்பதை அறியாமல் ஏதோ குருட்டுத்தனமான நம்பிக்கைகளால் உங்களை இழந்து போயிருப்பது அதிகமாக இருக்கிறது.  இப்போது அவையெல்லாம் சுக்குநூறாக உடைத்தெறிந்து, உங்கள் உயிரை ஜீவன்முத்தீ பக்கம் கொண்டு செல்ல போகிறீர்கள்.  அதற்கு உங்களுக்கு வழிகாட்டி, உயிர்காட்டி, இறைகாட்டி என்று ஒருவர் தேவையல்லவா.  நீங்கள் எடுத்து வைக்கும் ஒவ்வொரு காலடியிலும் யாம் ஒளிப்பிரகாசமாய் இருப்போம். அதனால் நீங்கள் தாராளமாக இந்த ஜீவன்முத்தீ பாதையில் எவ்வித சந்தேகமும் கலக்கமும் பயமுமின்றி ஆனந்தமாக நடை பயிலலாம். உங்களுக்கு முன்னே யாம் ஒளியாகச் சென்று கொண்டிருப்போம். இந்த ஒளிப்பாதையை நீங்கள் கெட்டியாகப் பிடித்துக் கொண்டீர்கள் என்றால், நீங்கள் அடையும் இலக்கான ஜீவன்முத்தீ வெகுதொலைவில் இல்லை ; உங்களுக்கு மிக அருகாமையிலேயே இருப்பதை உணர்ந்து மகிழ்ச்சி கொள்வீர்கள். எம் விழிகள் உங்கள் வழியாக இனி இருக்கும்.

இந்த ஜீவன்முத்தீ நிலையில் நீங்கள் வெற்றி கொள்ளும்போது, அங்கே உங்கள் உயிரானது ஒளிப்பிழம்பில் சொல்லொணா ஆனந்தக் கூத்தாடுவதைக் கண்டு விண்டு பேரானந்தம் கொள்ளப் போவது உறுதி. தாயின் கருவில் பிறந்த நீங்கள், இனி இறைவனின் கருவில் புதிதாகப் பிறப்பெடுப்பீர்கள். இறைவன் கருவே, ஜீவன்முத்தீக்கான ஞான விதை. இறைவனின் கருவில் நுழைந்தோர், மீண்டும் பிரபஞ்சத்தில் பிறப்பதில்லை. இது சித்தர்கள், ரிஷிகள், முனிவர்கள், தேவர்கள், மஹரிஷிகள் மற்றும் பிரமஞானிகளின் வாக்காகும்.

நீங்கள் ஜீவன்முத்தீ நிலையைப் பெற்று, என்றும் பிறவா, இறவா நெறியாம் மருவா நெறியைப் பெற்று என்றும் அருளமுதத்தை உண்டு ஞான ஒளி தேகத்தைப் பெற்றிட இந்த ஞான முகாம் உங்களுக்கு மிகப்பெரிய ஊன்றுகோலாகவும் ஒளிவிளக்காகவும் வழிகாட்டியாகவும் சத்திய நெறியாகவும் உங்கள் உயிரோடு பேச வைத்துவிடும்.

ஆகவே, உங்கள் அனைவரையும் என்றும் ஜீவன் முத்தீ நிலை பெற்றிட கிடைத்தற்கரிய இந்த ஜீவன்முத்தீ தாரணை என்ற பிரம வித்தையைக் கற்றுத் தரும் ஞான முகாமிற்கு முழு அன்போடும் ஆர்வத்தோடும் உண்மைத்தன்மையோடும் ஞான வைராக்கியத்தோடும் வந்திணையுமாறு அன்போடு கேட்டுக் கொள்கின்றோம்.

பிரமஞானத் தீக்ஷை பெற்ற மாணவர்கள் மற்றும் குருகுல மாணவர்கள் தகுதி வாய்ந்தவர்களே. இவர்களும் இந்த ஞான முகாமிற்கு புதியவர்கள்தான். வாழ்நாள் மாணவர்களும் இம்முகாமில் புது மாணவர்களாகவே கருதப்படுவார்கள். குருகுல வகுப்பு ஆன்லைனில் நடத்தப்படுவது. அங்கு மட்டும்தான் வாழ்நாள் மாணவர்களுக்கு சலுகைகள் உண்டு. இந்த ஞான முகாமில் சலுகை கிடையாது. இது ஒரு பிரமஞான உயர்நிலை வகுப்பாகும். உச்ச வகுப்பாகவும் இது செயல்படும்.

இம்முகாமை வெற்றியோடு முடித்தவர்கள் ஜீவன்முத்தர்களாகவே கருதப்படுவார்கள். அவர்களை சித்தர்களும் நம் குருகுல ஆதிக் குருக்களும் ஆசிர்வதித்து, உங்களை ஜீவன்முத்தர்களாக்குவார்கள். அவர்களின் உத்திரவுப்படியே, இந்த ஞான முகாமை நடத்த முன் வந்துள்ளோம். வகுப்பில் யாம் பேச மாட்டோம் ; அவர்கள்தான் பேசுவார்கள். உடல்தான் எம்முடையது ; உடலிலிருந்து வெளிவரும் ஞானப் பேச்சுக்கள், உரைகள் எல்லாம் அவர்களுடையது. யாம் சங்காக இருப்போம். அவர்கள் சங்கொலியாக இருப்பார்கள்.

கட்டணம் : தொடர்பு கொள்ளவும் /- (4 நாட்களுக்கு)

முகாம் நடக்கும் நான்கு நாட்களுக்கும் மூன்று வேளை உணவு வழங்கப்படும். தங்குமிடம் குருகுலத்தில்தான். வசதிகளை எதிர்பார்க்கும் மாணவர்கள் உங்கள் விருப்பம்போல வெளியில் தங்கிக் கொள்ளலாம். அனைத்து மாணவர்களும் குருகுலத்தில் இலவசமாகத் தங்கிக் கொள்ளலாம். இதற்குக் கட்டணம் பெறப்படாது.

25 மாணவர்கள் வரை குருகுலத்தில் தங்கி முகாமில் கலந்து கொள்ளலாம். அதற்கு மேல் மாணவர்கள் வருகை தந்தால், வேறிடத்தில் முகாம் நடத்தப்படும்.

வரும் மாணவர்கள் தலையணையும் போர்வையும் எடுத்துக் கொண்டு வரவும்.

குழந்தைகளை அழைத்துக் கொண்டு வரவேண்டாமென்று அன்போடு கேட்டுக் கொள்கிறோம். வகுப்பு நடக்கும்போதும், தவம் செய்யும்போதும் உங்களுக்கு ரொம்ப தடையாக அது இருந்துவிடக்கூடும். மற்றவர்களுக்கும் அது தொந்திரவாக இருந்துவிடக்கூடாது.