இடம்  : பிரமஞானப் பொற்சபை பீடம், சேலம்

நாட்கள் : 02, 03, 04.05.2025 – 3 நாள் ஞான முகாம்

நேரம் : காலை 8 மணி முதல் மாலை 6 மணி வரை

தகுதி  : பிரமஞானத் தீக்ஷையைப் பெற்ற மாணவர்கள் மட்டுமே அனுமதிக்கப்படுவர். புதியதாக வருபவர்கள் இந்த முகாம் நடக்கும் தேதிக்கு முன்பாக தீக்ஷை பெற்றுக் கொள்ள வேண்டும். அதன்பின் முகாமில் கலந்து கொள்ளலாம்.

பிரமஞானப் பொற்சபை குருகுலத்தின் முக்கியமான மைல்கல்தான் இந்த பிரமவித்தை கல்வி.  கடந்த 35 ஆண்டுகளுக்கு முன்பு சதுரகிரி மலையில் பௌர்ணமியன்று அங்கு ஓடிக்கொண்டிருந்த அருவியில் வைத்து எமக்கு எம் சற்குரு போதித்த இந்த பிரபஞ்சத்தை ஒளியாகவும் ஒலியாகவும் நடத்திக் கொண்டிருக்கும் எம் உயிரில் வாழும் சிவத்தை அந்த பேருயிரை விழிப்பிக்க வைத்துக் காட்டியருளிய நமது ஆதித் தமிழ்ச் சித்தர்களின் அற்புதமான ஞானப் பொக்கிசம்தான் இந்த ஜீவன்முத்தீ தாரணை எனும் பிரமவித்தை கல்வி.

ஜீவன்முத்தீ தாரணையின் பரிபூரண வித்தை இது. இக்கலையை ஞானப்பூரண ஒளி வித்தை என்கிறார்கள் பிரமஞானிகளும் சித்தர் பெருமக்களும்.  இதுவரை கண்டிராத அதி அற்புதமான இரகசிய மந்திர நாதங்களோடு உங்கள் உயிரை – உயிர் ஒளியை இணைத்து பேரின்பப் பரவசத்தை அடையப் போகிறீர்கள். உலக ஆன்மாக்கள் பரிபூரண பிரமஞானத்தை அடைந்து உயிரோடு, உயிரொளியோடு இணைந்து இறையொளியோடு கலந்து இன்புற்று ஒளியாகப் பிரகாசித்திடவே இந்த ஆதித் தமிழ்ச் சித்தர்களின் பிரமஞானப் பூரண ஒளி வித்தையை கற்றுக் கொடுக்க முன்வந்துள்ளோம்.

நம் சிரநடுவுள்ளே அமுதக்குடமானது திரவ நிலையில் இல்லாமல் ஒரு கல்லைப் போல இறுகிப்போய் கிடக்கிறது.  இதை ஞானிகளின் கல் என்றும் ஆங்கிலத்தில் Philosopher stone என்றும் சொல்வார்கள். இந்த அமுதக் கல்லை கனியாக முதலில் மாற்றும் நுட்பத்தைத் தெரிந்து கொண்டாக வேண்டும். அதுதான் நம் வாழ்வை நீட்டித்துத் தரும் (Elixir of life). சரி, கல்லை எப்படி கனியாக்குவது? அதை இந்த ஞானமுகாமில் தெரிந்து கொள்ளலாம், வாருங்கள்.

இந்த கல் கனியாக மாறும்போது, நமது தேகத்தில் ஓரிடத்தில் விசம் (விடம்) ஒன்று உருவாகி வளர ஆரம்பிக்கும். எது அந்த விசம்? அந்த விசத்தை இல்லாமல் செய்வது எப்படி என்பதை நீங்கள் தெரிந்து கொள்ள வேண்டாமா?

நமது தேகத்தில் சத்தும் சித்தும் ஆனந்தமும் தனித்தனியாகத்தான் பிளவுபட்டு காணப்படுகின்றன.  இம்மூன்றையும் ஒன்றிணைத்தால் தானே சச்சினாந்தம் கிடைத்து, இறைவனைக் காண முடியும். பிளவுபட்ட நிலையை எவ்வாறு ஒன்றிணைப்பது? நீங்கள் எப்போது உங்களுக்கு உள்ளே இருக்கும் இறைவனைக் கண்டு உணர்வது? அதற்கான ஞான வழிகளைத் தெரிந்து கொள்ளாது இருக்கலாமா?

உண்மையான ஞானப்பால் எங்கே இருக்கிறது? அதை ஏன் அக அருளமுதம் என்கிறார்கள் சித்தர்களும் ஞானிகளும். சிரசின் நடுப்புள்ளியில்தான் இந்த ஞானப்பால் குடமாக இருப்பதாகவும், இந்தக் குடத்தை உருக வைத்தால், அதற்குள் இருக்கும் அருட்பாலை – ஞானப்பாலை நம்மால் உண்ண முடியும். அமுதப்பாலை உண்ணாமல் ஜீவன்முத்தீ நிலை கிட்டாது.  அப்பாலை எப்படி உண்பது? அதற்கான வழிகள் என்னென்ன என்பதை நாம் தெரிந்து அறிந்து உணர்ந்து உண்ண வேண்டாமா?

நன்கொடை : ரூ.10,000/- (3 நாட்களுக்கு)

முகாம் நடக்கும் மூன்று நாட்களுக்கும் மூன்று வேளை உணவு மற்றும் காலை, மாலை தேநீர் உட்பட வழங்கப்படும். குருகுலத்தில் இலவசமாக தங்கிக் கொள்ளலாம். தங்குமிடத்திற்கு கட்டணம் பெறப்படவில்லை.

நன்கொடை கல்விக்கும் உணவுக்கும் மட்டும்தான். தங்குமிடத்திற்கல்ல.  நேரில் வந்து நன்கொடையை வழங்கிக் கொள்ளவும்.  ஆன்லைனில் கூடாது.

புதிதாக வருகின்ற மாணவர்கள் முதல்நிலை தீக்ஷை பெற நன்கொடை ரூ.5000/- ஐயும் சேர்த்து ரூ.15,000/- கட்ட வேண்டும்.  ஆனால், அவர்களுக்காக ரூ.3000/-ஐ தள்ளுபடி செய்கிறோம்.  புது மாணவர்கள் தீக்ஷைக்கும் ஞானப்பூரண முகாமிற்கும் சேர்த்து ரூ.12,000/- கட்டினால் போதுமானது.  இந்த வாய்ப்பை பயன்படுத்திக் கொள்ளுங்கள்.

வரும் மாணவர்கள் தலையணையும் போர்வையும் எடுத்துக் கொண்டு வரவும். குழந்தைகளை அழைத்துக் கொண்டு வரவேண்டாமென்று அன்போடு கேட்டுக் கொள்கிறோம். வகுப்பு நடக்கும்போதும், தவம் செய்யும்போதும் உங்களுக்கு ரொம்ப தடையாக அது இருந்துவிடக்கூடும். மற்றவர்களுக்கும் அது தொந்திரவாக இருந்துவிடக்கூடாது.